Alidé Sans presentèc "Eth paradís ei en tu" enes Estats Units

Era cantaira aranesa Alidé Sans, aufric un concèrt enes Estats Unitas entà commemorar era jornada de Sant Jòrdi. Concretaments, siguec en Red Room KGB Bar de Naua Yòrk a on se produsic un escambi culturau damb es nòrd-americans, en tot presentar es cançons deth sòn disc “Eth Paradís ei en tú” damb composicions en aranés. Aguesta actuacion siguec organizada pera Farragut Fund e eth Catalan Institute of America, en tot compdar damb eth supòrt de DIPLOCAT e der Institut Ramon Llull. Pendent eth concèrt, es presents poderen gaudir des naui tèmes dera cantautora, a on destacauen peces coma “En Blanc e Nere” o “Sò Jo”.

Ei eth prumèr viatge qu’Alidé Sans aufrís un concèrt enes Estats Units e supòse un gran auanç ena sua carrèra, en tot amiar era sua musica en aranés luenh de casa. Alidé siguec acompanhada en tot moment peth Paulin Courtial, qu’acostume a participar enes concèrts qu’aufrís. Es americans sigueren fòrça satisfèts per aguest concèrt e gaudiren d’ua sereda d’escambi culturau e musicau entre es Estats Units e era Val d’Aran, en çò que supause ua mòstra dera internacionalizacion der aranés.