Alidé Sans presente eth sòn nau disc “Arraïtz”
18/10/2023
Eth nau disc, qu'era cantaira aranesa definís coma ua «hèsta a trauès deth temps e der espaci», s'estreèc eth passat 6 d'octobre ena Hèira Mediterranèa de Manresa e a compdat damb era produccion de Iago Pico
Era cantaira aranesa a actualizat ueit cançons occitanes de tradicion orau exprimides a trauès des estruments e còdis dera produccion musicau deth sègle XXI. Es principaus ingredients son era lengua e era cultura populara occitana, eth miei rurau de montanha, cançons barables e hestiues e era perspectiva de genre.
Er ua entrevista damb ACN, Sans explique qu'aguest projècte ei «fòrça innovador e trincador» per rapòrt ath qu'auie hèt enquia ara. «Seguisqui damb era mia lengua occitana, mès enquiara auia cantat cançons mies», explique. En aguest sens, relate qu'eth nau disc ei format per cançons de tradicion orau damb un «tòc d'electronica, ròck e exprimides damb còdis e lenguatges actuaus». Ath delà, enquiara era cantaira aranesa quasi tostemp actuaue en solitari, deth temps que enes dirèctes d?"Arraïtz" ei acompanhada d'ua banda damb percussion, teclats e violin e guitarra electrica.
Alidé Sans a explicat que li a calgut hèr ua seleccion entre «er immens» auviatge de cançons de tradicion orau en occitan e ditz qu'es critèris qu'a seguit son que siguessen cançons sus eth miei rurau de montanha e qu'auessen ua perspectiva de genre e d'empoderament femenin. «Tanben que siguessen barables e de compartir e hèr comunitat», a ahijut.
HÒNT: ACN
Er ua entrevista damb ACN, Sans explique qu'aguest projècte ei «fòrça innovador e trincador» per rapòrt ath qu'auie hèt enquia ara. «Seguisqui damb era mia lengua occitana, mès enquiara auia cantat cançons mies», explique. En aguest sens, relate qu'eth nau disc ei format per cançons de tradicion orau damb un «tòc d'electronica, ròck e exprimides damb còdis e lenguatges actuaus». Ath delà, enquiara era cantaira aranesa quasi tostemp actuaue en solitari, deth temps que enes dirèctes d?"Arraïtz" ei acompanhada d'ua banda damb percussion, teclats e violin e guitarra electrica.
Alidé Sans a explicat que li a calgut hèr ua seleccion entre «er immens» auviatge de cançons de tradicion orau en occitan e ditz qu'es critèris qu'a seguit son que siguessen cançons sus eth miei rurau de montanha e qu'auessen ua perspectiva de genre e d'empoderament femenin. «Tanben que siguessen barables e de compartir e hèr comunitat», a ahijut.
HÒNT: ACN
Manu Moga