Aguest diuendres, hèsta de Sant Pònç en Vielha

Eth pròplèu diuendres, 11 de mai, se celebrarà ena Plaça dera Glèisa de Vielha era tradicionau hèsta de Sant Pònç: era hèsta mès doça deth municipi damb un concors de productes artesanaus. 

En aguesta hèsta, que organize er Ajuntament de Vielha e Mijaran amassa damb era Escòla d'Ostalaria e eth Grèmi d'Ostalaria dera Val d'Aran, se concedirà un prèmi de 75 euròs ath pastís mès bon, eth mès originau, eth milhor pastís salat, es milhors crespèths, es milhors coquilhons, eth milhor lecor, era milhor confetura, milhor pastís d'elaboracion infantil (menors de 13 ans) e eth milhor pastís sense gluten. 

Tàs 17 ores se presentaràn es productes, que seràn avaloradi per part deth jurat. 

I aurà, coma tostemp, ua demostracion de codina per part dera Escòla d'Ostalaria de Les. 

Entàs 18:15 se repartiràn es prèmis e tàs 18:30 se poirà gaudir des productes en un vrespalh!