Aguest dissabte se presente er "Hons bibliografic d'Aran"

Aguest madeish dissabte, 25 de març, aurà lòc ena Bibliotèca Generau de Vielha er acte de presentacion der "Hons bibliografic d'Aran", ua colleccion elaborada per expèrts dera Universitat Autonòma de Barcelona (UAB).

Aguest eveniment, organizat pera madeisha bibliotèca, en collaboracion damb er Ajuntament de Vielha e Mijaran, eth Conselh Generau d'Aran e er hilat de Bibliotèques Publiques de Catalonha, començarà tas 5 dera tarde e serà dubèrt a toti aqueri que i volguen assistir.