Aguest dissabte, era Val d’Aran acuelh er acte aumenatge a Pau Donés “El Valle Grita”
24/03/2022
Era Val d’Aran acuelherà er acte “El Valle Grita”, un aumenatge a Pau Donés en territòri ath quau tant ligat siguec gran part dera sua vida e que sauve ua grana estima ath sòn rebrembe. Mès de 800 persones inscrites s’amassaràn en Plan de Beret entà enregistrar un videoclip collectiu en quau s’interpretarà un des sòns tèmes mès significatius: Grita, entornejadi deth paisatge unic qu’aufrís aguest entorn.
HÒNT: CONSELH GENERAU D'ARAN
Er acte a estat organizat per Pub 43 e Producciones Hilarama, damb era collaboracion deth Conselh Generau d’Aran, Foment Torisme Val d’Aran, er Ajuntament de Naut Aran e Baqueira Beret.
Er orari der acte ei eth següent:
- 08:00 ores: Dubertura des carpes d’acreditacions.
- De 08:00 a 09:30 ores: traslat d’instruments deth parcatge de Beret ath Plan de Beret.
- 10:00 ores: Enregistrament de bateries e baishi.
- De 10:30 a 11:30 ores: Entregistrament de guitarres, teclats e rèsta d’instruments acustics.
- De 11:30 a 12:30 ores: Enregistrament de veus.
- De 12:30 a 14:30 ores: Entregistrament deth videoclip.
Mès informacion en www.elvallegrita.org
HÒNT: CONSELH GENERAU D'ARAN
Manu Moga