AUE TV
    1. AUE TV

    Aguest dissabte, 7 d’agost, se celèbre era 8au edicion dera corsa Era Nocturna de Vielha

    05/08/2021

    Dempús d’auer-se suspenut era edicion de 2020 pera COVID-19, enguan torne aguest classic der espòrt de Vielha e Mijaran, damb es abituaus corses de 5 e 10 kms, era caminata populara “Paquita Gracia” e es corses infantiles

    Aguest dissabte, 7 d’agost, Vielha torne a èster er escenari d’ua naua corsa Era Nocturna de Vielha, qu’enguan celèbre era sua 8au edicion, e qu’ei organizada peth Club Atletic Val d’Aran en collaboracion damb er Ajuntament de Vielha e Mijaran.


    En 2020 era pròva siguec suspenuda, a conseqüéncia dera aparicion dera pandémia dera COVID-19 e, enguan, torne damb es distàncies abituaus: corses de 5 e 10 kms, era caminata populara “Paquita Gracia” e es corses infantiles.


    Enquia diuendres entàs 15 ores, toti/es es interessadi/es en participar, pòden inscriuer-se ena plana web: www.nocturnadevielha.com. Eth limit de participaires qu’acuelherà Era Nocturna ei de 500 corredors/es.


    Aguesta corsa compde damb era particularitat de celebrar-se en un circuit de 5 kms pes carrèrs de Vielha, en tot córrer o caminar de net.


    Eth dia 6 d’agost se pòden recuélher es dorsaus e er obsequi, des 16 as 20 ores, e eth dia 7, dia dera corsa, des 15 as 18 ores en Passeig dera Libertat de Vielha.


    Es oraris des competicions deth dia 7 son es següenti: 18:30 (corses infantiles), 19:30 (caminata populara “Paquita Gracia”), 21:00 (corsa de 10 kms) e 21:10 (corsa de 5 kms). Fin finau, entàs 22:30 s’amiarà a tèrme eth liurament de prèmis.


    En tot moment, des dera organizacion dera pròva s’a establit un protocòu de mesures de prevencion de contagis dera COVID-19, qu’aurà d’ester seguit pes participaires e espectadors dera competicion.


    HÒNT: AJUNTAMENT VIELHA E MIJARAN
    Manu Moga
    Tornar