Agricultura convòque era 4au edicion deth Prèmi Ruralapps

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha a convocat era IVau edicion deth Prèmi Ruralapps, corresponent a 2017, damb era volontat d’impulsar eth desvolopament d’aplicacions mobils que siguen d’utilitat entath sector agrari, alimentari o rurau en tot reconèisher es empreses qu'agen desvolopat es dues milhores aplicacions mobiles foncionales e reconéisher es innovadors qu'agen desvolopat aplicacions mobiles orientades o qu'aporten solucions tecnologiques ara ciutadania o as professionaus des sectors agrari, alimentari e rurau.

Aguest prèmi, eth termini de presentacion de candidatures deth quau ei de tres mesi, establís dues modalitats: Ruralapps-ciutadania, entara app destinada a aportar solucions tecnologiques innovadores ara ciutadania, e Ruralapps-professionau deth sector, entara app destinada a aportar solucions tecnologiques innovadores entàs professionaus des sectors agrari, alimentari e rurau, dotades damb 3.000 èuros cad'ua.

Eth termini maximal entà resòlver era concession des prèmis ei eth 15 de seteme de 2017, eth verdicte tanben se publicarà en DOGC, e era informacion sus es aplicacions presentades se poderà consultar ena web deth DARP e en RuralCat.



IMATGE: Generalitat de Catalonha