Agricultura comence a pagar es ajudes as zònes damb limitacions naturaus, corresponentes a 2016

Grana notícia entath sector primari dera Val d'Aran. Eth Departament d’Agricultura, Ramaderia, Pesca i Alimentació (DARP) dera Generalitat de Catalonha comence aguest dijaus, es pagaments deth totau des ajudes de compensacion as zònes damb limitacions naturaus o d'autes específiques, corresponentes ara campanha 2016, per un impòrt totau superior as 10,7 milions d'èuros e que se correspon damb eth 100% des primes establides, en marc deth Programa de Desvolopament Rurau (PDR). En cas concrèt dera Val d'Aran, aguestes ajudes pugen ara quantitat de 119.198,20 €. 

 

Aguesta ajuda, cofinançada damb eth Hons Europèu Agricòla de Desvolopament Rurau (FEADER), e tanben peth Ministeri d’Agricultura, Pesca, Alimentacion e Medi Ambient (MAPAMA), compense es despenes addicionaus e es pèrtes de renda pera realizacion dera actiuetat agrària enes zònes damb limitacions naturaus o d'autes limitacions especifiques. Es pagaments se concedissen as agricultors que se comprometen a amiar a tèrme era sua actiuetat agrària enes zònes damb aguestes limitacions naturaus o especifiques designades.