Activat eth Plan de Contingéncia der Espitau Val d'Aran peth aument d'ingrèssi

Es donades epidemiologiques deth Coronavirus non milhoren ena Val d’Aran. 

Damb un risc de rebròt de lèu 3.000 punts e uns 330 casi detectadi pendent aguest mes de gèr, era situacion ei preocupanta en parçan en tot tier en compde qu’era poblacion non supère es 10.000 abitants.

Enes darrères 24 ores, ath delà, s’an confirmat 21 naui casi positius per COVID-19. 

Per un aute costat, es ingressadi en Espitau dejà son 8, motiu peth qu'aué s’a activat eth Plan de Contingéncia der Espitau Val d’Aran.

En tot seguir damb eth Plan de Contingéncia elaborat pendent er inici dera pandèmia, se meten en foncionament es prètzhèts entà reorganizar e ajornar es intervencions quirorgiques programades.