Actiuetats entara dimenjada deth 17 ath 19 de març

Aguesta dimenjada ben, un aute vuatge, plia d'actiuetats. Per un costat, auem es eveniments esportius. En fotbòl, era equipa der UE Bossòst visite Luishon aguest dissabte 18 de març, a on se jogarà eth "derby deth Portilhon" damb eth conjunt locau. Eth partit començarà a compdar des 20:00. Era UE Bossòst, ara madeish ei 3au classificat damb 39 punts, es madeishi qu'eth Saint Gaudens. Ath delà, tanben jògue era auta equipa aranesa, era AF Les. En aguest cas, visite ar Aitona CEF dimenge 19 de març, a compdar des 16:30, ena 25au jornada dera Tresau Catalana. Dejà ena anada, es aranesi guanhèren per 3 gols a 0 as de Lleida. Ara madeish, era AF Les ei 16au ena classficacion damb 14 punts, empatat damb eth darrèr, precsiaments er Ationa CEF. 

Per un aute costat, Baqueira-Beret acuelh era 4au edicion d"'Era Baishada Audi Quattro", dissabte 18 de març, en Stadium de Beret. Ua pròva damb 3 trams: Un parallel, un gigant e un Km lançat. 

Ath delà, Era Sala Era Audiovisuau de Vielha aufrís dus naui films pendent era dimenjada. Per un costat, "La Gran Muralla" damb es oraris abituaus: Dissabte 18 de març, session entàs 22:00, dimenge 19 de març, session entàs 19:30, e deluns 20 de març, session entàs 22:00 (dia der espectador). Eth 2au film ei "Batman: La lego película", dirigida ara mainadèra. Oraris: Dimenge 19 de març entàs 17:00 e deluns 20 de març entàs 19:00 (dia der espectador).

Era Sala Era Audiovisuau tanben acuelherà aguesta dimenjada era projeccion d'un film sus eth snowboard. "The Fourth Phase" se poderà veir dissabte 18 de març entàs 19:00.