Aciu podetz seguir era participacion de Tòn Cònsul en Mondiau Junior de patinatge artistic

Eth patinador aranés Ton Cònsul torne a patinar aué, amassa damb era sua parelha, Alexanne Bouillon, en Campionat deth món junior de patinatge artistic qu’a agut lòc pendent aguesta semana en Taipei (Taiwan).

Cònsul e Bouillon competiren dimèrcles passat en programa cuert, a on conseguiren ua puntuacion totau de 40,07, plaçant-se es 16aus e passant ara finau qu'a lòc aué madeish, en programa long que se celèbre de 12:00 a 14:50. 

Rebrembam qu'ncara que Cònsul, de 18 ans, dejà auie guanhat ua doble plaça istorica enes categories individuau e per parelhes, en aguest Mondiau, malastrosaments, competirà sonque per parelhes, decision qu’a pres era responsable de patinatge dera Federacion Espanhòla, Laia Papell.

Er aranés arreconeish senter-se “molt estonat e decebut” e ahig “non a estat ua decision mia, es entrenadors considerauen qu’auia de competir enes dues disciplines en aguest Campionat, mès Laia Papell prenec era decision per jo, sense dar-me era opcion de parla’c damb es mes entrenadors e poder decidir. E trebalhat fòrça dur durant era mia carrèra de patinador entà arténher uns minims, e dempús, seguir entrenant entà guanhar eth Nacionau que me portarie tath Mondiau. M’auessa encantat acabar era etapa d’individuau junior damb aguest Mondiau”.

Aguesta pròva se poderà seguir en dirècte per streamingACIU