9au edicion deth Salardú Country Rock Festival
Se demore era assisténcia de mès de 8000 persones deth 22 ath 25 d'agost
A compdar d’aguest dijaus dia 22 d’agost torne eth Salardú Country Rock Festival, un des eveniments mès espectaculars a nivèu d’òci e culturaus que se pòden víuer ena Val d’Aran ath long de tot er an. En aguest sens, era poblacion de Salardú se premanirà entà acuélher era sua 9au edicion.
Eth hestau compdarà damb era preséncia d’artistes de renòm coma River Town Saints, TAm tam go, emily an roberts, kinsey Rose Craig Campbell autant coma d’autes accions coma workshops, classes d’iniciacion de country, concèrts, e un recinte heirau plen d’ambient american.
Se demore era preséncia d’un gran nombre de visitaires a nivèu internacionau de fòrça païsi de diuèrsi continents.
Es previsions apunten que des dies 22 ath 25 d’agost se poderie arribar as 10.000 persones, apròp des 12.000 qu’ère eth record dera edicion deth 2019.
