808.000 esquiaires an passat aguest iuèrn per Baqueira-Beret

Baqueira-Beret a barrat era sason d’esquí 2016-17 damb ua grana chifra de visitaires. Fin finau, era estacion a comptabilizat 808.000 esquiaires, ua donada plan bona pr’amor qu’enguan an agut ua quantitat menor de nhèu qu’enes sason prèvies. Maugrat qu’era nhèu tardèc fòrça en arribar, an podut sauvar plan ben era sason, e auer ua tempsada positiua.

Enguan es hèstes de Pasca an arribat mès tard qu’era tempsada anteriora, e per tant, a comportat mès calor e qu’era estacion barresse damb mens quilomètres esquiables. Maugrat açò, ua des donades mès positiues ei era pujada considerabla d’esquiaires en parçan de Bonaigua, en tot èster Baqueira era que mès esquiaires acuelh.

Un viatge finalizada era sason, des dera direccion de Baqueira-Beret dejà comencen a premanir es objectius de cara ara tempsada 2017-18. Enes pròplèus setmanes coneisheram es inversions qu’amiaràn a tèrme, e es òbres que se desvoloparàn en ostiu, entà milhorar er estat dera estacion.