8-M: Dia Internacionau dera Hemna

Aguest meddia a auut lòc era lectura deth manifèst deth 8-M per part dera sindica d’Aran, Maria Vergés, qu’a aprofitat entà enviar un messatge de solidaritat damb es hemnes d’Ucraïna qu’en aguesti moments patissen es conseqüéncies dera crisi umanitària que trauèsse eth sòn país pr’amor dera guèrra damb Russia. 

Acte seguit, er escolantat der Institut d'Aran a amiat a tèrme ua lectura de poèmes escrits per hemnes o que parlauen deth papèr dera hemna ena societat. Quauqui d’eri an estat escrit per eri e eres madeishes. 

Ath long de tota era setmana s’amiaràn a tèrme, en diuèrsi pòbles deth nòste territòri, actes en commemoracion d’aguest dia. 

Per ua societat ena qu’es hemnes poguen èster liures e non valentes! 

HÒNT: CONSELH GENERAU D'ARAN