37 finishers deth CAVA-PALAI SWIM TEAM ena Copa Marnaton de Barcelona dera passada dimenjada

Eth passat dissabte, 6 de mai, un totau de 37 joeni nedadors der equip aranés CAVA-PALAI SWIM TEAM, d'entre 6 e 18 ans, sigueren finishers ena 6au Copa Marnaton eDreams by VW Califòrnia en Barcelona, inaugurant atau era sason d'aigües dubèrtes d'enguan. Sèt d'eri, ath delà, conseguiren pujar en pòdium:

Ena categoria femenina de trauèssa de 400m, neishudes enes ans 2006 e 2007, quederen en dusau posicion Jara Beso Godoy e ena tresau Helena Revelles Díaz, mentre qu'ena masculina quedec dusau Lluc de Castellarnau Rabella.

Ena trauèssa de 200m, neishudi tanben enes ans 2006 e 2007, conseguic eth tresau lòc Marc Ubeira Cierco.

Ari Boya Jaquet conseguic era prumèra posicion en trauèssa de 100m des neishudi es ans 2008-09.

Tanben prumèri sigueren enes categories femenina e masculina Aina Ariño Pàmies e Eric BarbeitosRodríguez, en trauèssa de 50m, neishudi en 2010-2011. 

Era Copa Marnaton eDreams by VW Califòrnia de Barcelona ei un rèpte enfocat a popularizar era natacion en aigües dubèrtes damb era nauetat d'includir ua pròva de 4km ath delà dera de 2km.

Era Marnaton Barcelona se celebrèc ena plaja de Sant Sebastian e compdèc damb: pròva de 4km, 2km, pròva de relèus e Marnaton Kids. Era pròva de relèus siguec per equipes de 4 nedadors, a on cada equipa auie de completar 8 torns de 500 mètres, en tot hèr un totau de 4.000 mètres entre toti.

Era pròplèu competicion en aigües dubèrtes que participaràn es nedadors deth CAVA- PALAI SWIM TEAM serà er 11 de junh ena Copa Marnaton de Begur. 

IMATGES: CONSELH GENERAU D'ARAN