19 persones assistissen as capsules formatives sus Instagram en CEI Val d'Aran

Eth passat 30 de mai eth CEI Val d’Aran organizèc dues naues cápsules formatives gratuïtes laguens eth cicle Dijaus Emprenedors sus “Fotografia damb mòbil entà Instagram” e “Estratègies de marqueting digitau en Instagram”, damb era assisténcia d'un totau de 19 alumnes.

Es cápsules sigueren a cargue de Xavier Mitjana Agustí, Graduat en Comunicacion e Jornalisme Audiovisuau e director de projèctes de Becommo agéncia de dessenh estrategic e comunicacion.

Es capsules formatives s’impartissen en CEI Val d’Aran de Casau, Plaça Naua, 1, e son organizades peth madeish CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Enterpresa e Aucupacion dera Generalitat de Catalonha, Catalonha Empren e eth Hons Sociau Europèu.

HÒNT: CONSELH GENERAU D'ARAN