Cultura
UA mòstre era sua preocupacion peth barrament deth parcatge dera rotonda de Bossòst
19/06/2024
Eth grop municipau inste ar Ajuntament de Bossòst a recuperar er acòrd de loguèr entar emplec deth parcatge
Eth grop municipau d’Unitat d’Aran en Bossòst a mostrat era sua preocupacion peth barrament deth parcatge dera rotonda causat aguesta setmana pera manca d’acòrd entre er Ajuntament e era proprietat deth terren. Per açò, UA inste ar Ajuntament de Bossòst a que recupère era negociacion e artenhe un nau acòrd que permete garantir er emplec de parcatge disuasòri, en aguesta zòna plaçada ena entrada sud dera poblacion pera carretèra N-230.
Bossòst dispause de pòques places de parcatge, e era pèrta d’aguesta parcèla entad aguest emplec, ena entrada dera localitat e as pòrtes der ostieu, ei un còp dur ara mobilitat des nòsti visitaires. En aguest sens, cau rebrembar que pendent eth mandat d’UA se barrèc un acòrd de loguèr damb era proprietat entà garantir aguest emplec e que coma quinsevolh convèni requerís capacitat de dialòg e negociacion, vertuts que li an mancat aguest còp ar actuau govèrn der Ajuntament de Bossòst, pr’amor qu’a hèt deishadèsa des sues foncions en ua des matèries mès sensibles e importantes entara prosperitat deth municipi.
HÒNT: UNITAT D'ARAN
HÒNT: UNITAT D'ARAN
Manu Moga