Era Sindica d’Aran, Maria Vergés, e eth president dera Generalitat, Salvador Illa, s’an amassat aguesta tarde en Palau dera Generalitat ena prumèra trobada entre andús dempús dera prenuda de possession de Illa en cargue.

 En aguesta brèu trobada, era Sindica a volut remercar ath President era situacion actuau deth Conselh Generau d’Aran, dera Val d’Aran e dera lengua entre d’autes qüestions en tot demanar era collaboracion damb era pròpria Generalitat.

Un des ahèrs que mès s’a remercat a estat era der encaish deth Conselh Generau d’Aran pr’amor que non ei un govèrn locau, senon un qu’a competéncies en diuèrsi airaus gràcies ara Naua Lei d’Aran der an 2015.