Talhèr de lectura de documents antics entà commemorar eth 20au anniversari der Archiu Generau d’Aran

23/05/2018

Eth pròplèu dia 9 de junh se celèbre eth Dia Internacionau des Archius, qu'enguan coïncidís damb era celebracion deth 20au anniversari der Archiu Generau d’Aran.

Damb motiu d'aguesta celebracion, er Archiu Generau d’Aran organize un talhèr de lectura de documents antics dera Val d’Aran.

Aguest talhèr a com objectiu hèr conéisher as assistents ues prumères pautes de lectura de documents produsidi ena Val d’Aran entre es sègles XIV e XIX.

Es contenguts seràn: com, qui e a on son escriti es documents; es lengües que s’utilizen entà escríuer; pautes entà liéger es documents e practica de lectura, en tot combinar era explicacion de concèptes basics damb era realizacion d’exemples practics.

Eth talhèr aurà lòc ena sedença der Archiu Generau d’Aran (c/Major s/n d’Arròs), eth dissabte 9 de junh de 10:00 a 13:00 ores.

Era inscripcion ei gratuïta, mès es places son limitades. Entà auer mès informacion podetz trucar ath T. 973 64 25 69 o ath email: acavallaran.cultura@gencat.cat
Clara Villar