S’a presentat aguest maitin en Ajuntament de Vielha e Mijaran era 3au edicion deth hestau de montanha Banff, eth mès istoric de toti e que s’inicièc en an 1976 en Canadà e que se harà deth pròplèu 28ath  31 de març en tot demorar ua grana assisténcia de persones.

Ath long d’aguestes jornades s’amiaràn a tèrme conferéncies, practiques e gessudes de camp entà poder descorbir toti es aspèctes vinculadi ara montanha. En aguest sens, ua des mès espectaculars, serà era gessuda entà Orri en ua practica a on se  mostraràn es consèllhs de seguretat e protocòus a seguir quan ua persona a patit un lauèg. Aguesta accion s’amiarà concretaments a trauès der ACNA, era Associacion deth Coneishement dera Nhèu e es Lauègi.

Ath delà, tanben se visionaràn pellicules e petiti documentaus vinculadi damb era montanha coma per exemple “La Guinda del Pastel” de Marta Jiménez, o d’autes filmacions coma “Fuego” o “El GAvilán”