Tragica jornada ager en Bossòst, ena Val d’Aran, dempús que un mainatge de 9 ans morisse en un incendi en sòn abitatge. Hònts municipaus soslinhèren qu'eth huec s’inicièc entàs dues deth meddia en ua vivienda de dues plantes en carrèr Sant Antoni. 

Sigueren es vesins es que dèren era votz d’alarma e sagèren auxiliar era familha enquia que rapidaments i arribèren es servicis d’emergéncies. Enquiath lòc se transportèren e eth grop de Pompièrs e Emergéncies damb 24 efectius e 12 dotacions autant coma es Mòssos d’Esquadra.

Tot apunte a qu’er incendi s’originèc de forma accidentau. Er Ajuntament de Bossòst decretèc tres dies de dò oficiau pera mòrt deth petit en tot explicar qu’aguest gest ère eth menors des aumenatges que se podie hèr ara sua vida, en tot aufrir tanben es sues condolences ara familha.

Eth Conselh Generau d’Aran e eth grop de Pompièrs e Emergéncies tanben amièren endauant un comunicat conjunt a on s’aufrie era actuacion detalhada per part deth còs d’emergéncies aranés e eth maximom supòrt ara familha en aguesti moments tan complicadi.