Aguest dimenge, abans dera Crèma deth Haro de Les, Lleida TV estrearà en exclusiva pera net de Sant Joan un capítol especiau dera sèria aranesa "Èm çò qu'èm", coprodusida pera cadea lheidatana e eth Conselh Generau d'Aran.


En "Eth Haro - Aventura ena UB" era "influaran", protagonista dera sèria, s'apròpe ara bastissa istorica dera Universitat de Barcelona entà parlar damb es sòns escolans des Hèstes deth Huec, eth Haro de Les e eth Taro d'Arties. En aguest capítol participe un grop d'escolans des corsi d'aranés qu'aufrís eth servici lingüistic dera UB qu'ath madeish temps ei eth promotor e collaborador d'aguesta estrea extra. Eth capítol s'enregistrèc eth passat mes de mai enes madeishi espacis a on s'enregistrèc era populara sèria "Merlí".  



HÒNT: LLEIDA TV