Cultura
Lèu 400 participaires ena 4au Montlude Skyrace celebrada dissabte
12/08/2024
Es gessudes des dues pròves an agut lòc en Bossost a on s'an dirigit entà Les, eth cim deth Montlude, en tot passar pera Val de Toran, en tot trauessar Canejan entà afrontar era arribada ena mèta en centre de Les, a on tanben se celèbre era tradicionau hèira estivau d'artesania.
Ena Montlude Trail, pròva de 10 km, eth pòdium masculin ac an configurat Lluis Barbé, Jordi Cortés e Jorge Aranburu. Eth pòdium femenin en aguesta pròva s'a compausat pera prumèra posicion dera joena promesa deth atletisme aranés Lòla Cavero, seguida d'Anna Guerid e d'Adriana Vilalta.
Era Montlude Skyrace ( 32 km) a estat vençuda damb autoritat per Marc Gasa en tot bàter eth rècord dera pròva, en tot deishar eth crono sus era distància en 3 ores e 57 menutes. Dusau posicion entà Peio Berritzbetia e en tresau posicion Diego Cardozo. Era victòria femenina ena Montlude Skyrace a estat entara atleta aranesa Marta Cester.
Un gran dia entà dar a conéisher es cornèrs e actius naturaus deth Baish Aran acompanhada d'ua grana jornada esportiua sense incidents destacables.
HÒNT: MONTLUDE SKYRACE
HÒNT: MONTLUDE SKYRACE
Manu Moga