Eth ligam emocionau des aranesi e araneses damb era lengua, amassa damb era sua tenacitat a utilizar-la generacion ath darrèr generacion, l'an convertit en un des elements mès preuats der auviatge culturau d'Aran e en un des pilars fonamentaus que configuren era identitat aranesa.

Aguesta decision arribe mesi dempús dera darrèra Comission Bilaterau Govèrn-Conselh Generau d'Aran, a on s'agarrèc eth besonh de refortilhar es referents lingüistics e culturaus aranesi coma estrument e factor d'acuelhuda e coesion sociau, e de deféner es quites lengües deth territòri en un mon globalitzat.

A trauès d'aguesta comission, que s'amasse annauments, se hèn passi tà deuant damb er objectiu d'auançar cap ar autogovèrn aranés e de neurir-lo des recorsi de besonh.


HÒNT: GENCAT.CAT