Er objectiu deth SuperCampus ei ofrir as docents, familhes e alumnes contenguts de qualitat e en catalan, deuant dera manca generalizada d’ofèrta de contenguts educatius en lengua catalana.

Eth Departament d’Educacion e Formacion Professionau e 3Cat an estreat es prumèrs contenguts deth SuperCampus en lengua aranesa, que ja son disponibles ena plataforma educativa.

Es capítols que se poiràn consultar son un totau de 32 de dus encastres des estudis: Operacions matemàtiques entà primària e Geografia. A compdar deth propèr mes de gèr, ath delà, s’ahigeràn 22 capítols naui referents a Operacions matemàtiques entara ESO, de tau manèra qu’i aurà a disposicion un totau de 54 vidèos en aranés.


Damb aguesti contenguts, eth Departament d’Educacion e Formacion Professionau e 3Cat volen ofrir ar alumnat e professorat dera Val d’Aran materiaus restacadi damb eth curriculum educatiu des diferentes etapes ena lengua pròpia deth territòri. Ath delà, cau destacar qu’es matemàtiques son un des encastres a on cau prioritzar era melhora de resultats educatius e, ath madeish temps, qu’an mès demanda per part dera comunitat educativa. Operacions matematiques ei et dusau programa damb mès reproduccions ath SuperCampus. Es auti contenguts educatius damb mès audiència son es de llengua catalana: Morfosntaxi e Gramatica, lèxic e ortografia.


HÒNT: DEPARTAMENT D'EDUCACIÓ I FORMACIÓ PROFESSIONAL GENCAT