Aué arrinque era 5au temporada dera sèrie de ficcion aranesa, Èm çò qu’èm, eth projècte impulsat peth Conselh Generau amassa damb Lhèida TV e era productora Kionalia entara proteccion, difosion e projeccion dera lengua aranesa.

En aguest sens, en aguesta naua sason i aurà naues localizacions e airaus deth territòri que mostraràn ara audiéncia problematiques e qüestions vinculades damb era lengua e era vida ena Val d’Aran.

Rebrembam qu’Èm çò qu’èm, siguec guanhadora deth Prèmi Pica d’Estats de Mejans de Comunicacion Locaus des Tèrres de Lhèida ena sua 32au edicion.

Era estrea serà aguest dijaus entàs 22:55 en Lleida TV e tanben se pòt consultar toti es anteriors capítols ena pagina web oficiau de Lleida TV.