Eth pòble de Tredòs recuperèc en mes d’agost der an 2020 ua des sues tradicions mès antigues, es “quilhes”.

Se tracte d'un jòc semblat as quilhes convencionaus, mès damb distintes normes e mateau que se practique damb eth. Concrètaments, era pilòta e es nau quilhes, que mesuren 1,25 mètros, son hèti d’auet e de pin, que son components de grana resisténcia.

Er ajuntament d’aguesta petita poblacion aranesa, decidic apostar per tornar a instaurar aguest espòrt pr’amor qu’en sòn dia, fòrça vesins ac  sollicitèren.

Es quilhes an ua tradicion de mès de 300 ans e es auantpassats d’aguesta localitat s’amassauen e i jogauen un viatge per setmana.

Entà hestejar era recuperacion d’aguesta hèsta culturau, s’organize entre es vesins ath long deth mes d’agost ua liga de Quilhes ena que i participen mès d’ua cinquantia de persones e que se hè toti es dimenges d’aguest mes d’agost.

En aguest format non sonque i an participat vesins que residissen tot er an, senon que tanben es que s’apròpen en territòri en ostieu en segona residéncia.