S’a presentat eth projècte Guarda+ ua iniciativa innovadora entà redusir era brèca digitau en zònes ruraus. Eth projècte a desvolopat ua solucion pionèra de realitat aumentada e virtuau, dessenhada entà enriquir era experiéncia deth senderisme e torisme ena Val d’Aran, mejançant era 5G. Aguesta solucion aufrís informacion en temps reau sus rotes, condicions meteorologiques e d’autes dades d’interès, entà auançar entara inclusion plia ena èra digitau.

En aguest sens, e coma elements importants, se poirà contemplar coma ère Castèth Leon, enes Bòrdes sègles endarrèr, vier es glacères des montanhes damb tota era nhèu que i auie en aqueth moment o d’autes formes de contemplar eth territòri damb un prisma diferent gràcies as lunetes de realitat virtuau.

En aguest sens era sindica d’Aran a destacat tanben era importància de projèctes que, coma aguest, prebotgen era collaboracion entre es institucions e, sustot, es sinergies entre er encastre public e eth privat.