Er Institut d’Estudis Aranesi-Acadèmia Aranesa dera lengua occitana a presentat de forma oficiau es sues 4 darrères òbres en Conselh Generau d’Aran, damb era preséncia deth Sindic e d’auti membres deth Govèrn.

S’a presentat eth libre des vèrbs en aranés, un manuau qu'a tengut en compde diuèrsi estudis verbaus. D’auta banda, eth vocabulari d’espòrts d’iuèrn ja ei ua realitat gràcies a un aute des libres publicadi. Un repertòri de lexic fòrça especific que conten mil entrades.

Tanben s’a presentat eth vocabulari ortografic der aranés.

Fin finau, era Acadèmia tanben a publicat eth vocabulari fonetic basic der aranés, a on s’i an establit es formes mès neutres dera prononciacion des paraules.

Er Institut d’Estudis Aranesi ei ua institucion academica qu'a per objècte era nauta investigacion, er estudi der aranés, e er establiment des critèris normatius.

Ath delà, cau arrebrembar que des des der 1 de gèr ja se pòt descargar a trauès dera plana web dera Academia, era prumèra part dera novèla Anna Karenina de Leon Tolstói, arrevirada ar aranés. D’aguesta forma, cada mes se i penjarà un gran classic dera literatura internacionau e nacionau.

Era publicacion d'aguestes òbres se harà jos eth títol de "Colleccion Antoni Nogués" qu'ei er autor des traduccions.