Er Ajuntament de Vielha e Mijaran liure es sòs requectadi pera Escòla Tschaikowsky ara AECC

03/07/2019

Ager s’amassèren ena sedença der Ajuntament de Vielha e Mijaran representants dera Junta Locau d’Aran dera AECC, dera Escòla Tschaikowsky e deth madeish consistòri entà formalizar era entrèga des 1.682,10€ requectadi pendent era edicion d’enguan deth teatre musicau. Ua chifra recòrd enes diuèrsi ans que s’a celebrat aguest espectacle enquiara.

Aguesti sòs seràn destinadi as colònies qu’era AECC organize des de hè 20 ans en Aran entà mainatges e mainades qu’an patit o patissen càncer.

Enguan aguestes colònies s’amiaràn a tèrme deth 14 ath 21 de junhsèga en Salardú. Er objectiu d’aguesti campaments d’ostiu ei eth de normalizar era situacion d’aguesti joeni en tot realizar activitats de léser, conéisher a d’auti joeni ena madeisha situacion e compartir experiéncies e viuences restacades damb era malautia que les resulte dificil de compartir damb d’auti.

“Èm fòrça satisfèti d’aufrir mès sòs qu’es ans anteriors deth teatre musicau a ua causa fòrça importanta coma ei era collaboracion damb es colònies d’ostiu ena Val d’Aran dera AECC damb es mainatges e mainades que patissen cancer”, comente era còsso d’Accion Sociau e Ciutadania, Maria Vergés. E hig que ”voi arregraïr en nòm der Ajuntament a toti es qu’an hèt possible qu’un an mès eth teatre musicau age estat un exit, e qu’es usatgèrs des colònies se’n veiguen beneficiadi”.
Clara Villar