Er ajuntament de Naut Aran elimine er arsenic trapat enes aigües de diuèrsi pòbles de Pujòlo

03/05/2017

S'an cambiat es filtres enes dipòsits de Gessa e Tredòs, e aguesta setmana acabaràn damb eth de Salardú e unha

Aguest gèst dejà se poderà tornar a hèr damb normalitat en diuèrsi pòbles de Pujòlo enes pròplèus dies. Er ajuntament de Naut Aran dejà se trape en tot finalizar es trebalhs d’apariament des filtres qu’eliminen er arsenic que s’a trapat en hilat d’aigües de diuèrsi pòbles d’aguest municipi pendent eth mes d’abriu. Se ben en Gessa e Tredòs es trebalhs dejà s’an hèt, en dipòsit de Salardú e Unha encara se trapen en tot finalizar aguest prètzhèt. Eth nivèu maxim permetut pera Organizacion Mondiau dera Salut ei de 10 micrograms per litre, e s’a trapat 10,80 pendent era darrèra revision. Maugrat non èster plan perilhós entara salut, ère de besonh rebaishar eth nivèu entà entrar enes paramètres legaus.

Er ajuntament distribuïc un bando enes pòbles entà qu’es vesins auessen consciéncia de çò que s’anaue a hèr e de qu’arturèssen eth consum der aigua domestica. Diuendres era brigada der ajuntament harà ua analitica entà confirmar que tot a gessut segontes lo previst e qu’es vesins poguen tornar a béuer er aigua damb normalitat. Tot aguest procès a supausat ua despena importanta entath municipi de Naut Aran.

Des der ajuntament an previst, que d’ací a uns 4 o 5 ans, aguesti trebalhs de milhora des filtres qu’eliminen er arsenic s’aurà de tornar a hèr, pr’amor qu’aguest element ei caracteristic d’aguesta aigua que proven dera hònt d’Alguaire de Vaquèira.
Manu Moga