Desconcèrt per part deth grop de Convergéncia Aranesa sus eth motiu peth quau des dera equipa de govèrn deth Conselh Generau d’Aran non se destine cap tipe de finançament ar Institut d’Estudis Aranesi-Acadèmia Aranesa dera Lengua Occitana. Atau ac expressèren en plen de dies endarrèr en que s’aprovaue ua quantitat d’ath torn de 46 milions d’èuros, des quaus sonque 200.000 apertierien a qüestions vinculades damb era lengua.

Era Sindica d’Aran, Maria Vergés, afirmèc qu’er Institut compde dejà damb fòrça subvencions per part de d’autes administracions coma per exemple, era Generalitat de Catalonha 55.000 èuros, 30.000 des pressupòsti der Estat, 20.000 èuros per part der Institut d’Estudis Ilerdencs o d’auti ajuntaments que hèn collaboracions coma eth de Naut Aran.

A despiet d’açò, extie er man tà crear projèctes amassa a favor dera lengua

Era pròpria Sindica a demanat que non se politizen es institucions pr’amor que non a d’èster un grop eth qu’apròpe aguestes peticions.