1,2,3, ACCION! Èm çò qu’èm, era prumèra sèrie audiovisuau en aranés dejà a començat eth sòn rodatge en país, que s’alongarà enquiath diuendres d’aguesta setmana. Era gravacion se hè de forma intègra ena Val d’Aran, e es scenaris son plan diuèrsi, com eth carrèr, ua casa aranesa, un bar o ua escòla. 

Per aqueres e d’autes localizacions, SIA, era intelligéncia artificiau d’Aran expèrta en aranés, acompanharà a d’auti 7 personatges en tot recrear situacions on er umor serà constant en guion.

Èm çò qu’em compdarà damb 15 capítols de 3 menutes de longada.

En efècte, er objectiu principau d’aguesta produccion seriau ei prebotjar era nòsta lengua, er aranés, autant laguens dera Val d’Aran coma tanben dehòra. 

Ara sonque cau demorar a seteme, que serà quan s’estree Èm çò qu’èm en Lleida Televisió, entà apréner e gaudir damb era petita pantalha en aranés.