Es naues restriccions de mobilitat decretades pera Generalitat que entren en vigor a compdar deth dijaus 7 de gèr empediràn ara poblacion botjar-se deth sòn municipi se non ei per ua causa de fòrça major. 

Ues restriccions que, totun, non arturaràn eth foncionament de Baqueira/Beret. Atau, era estacion aranesa dejà a informat qu’es sues installacions demoraràn dubèrtes.

Er unic cambi sonque se produsirà enes zones que Baqueira aufrirà ta esquiar. En aguest sens, enquiath dia 10 de gèr seràn dauridi es sectors de Baqueira, Bonaigua e Beret, mès a compdar deth deluns 11 de gèr sonque serà disponibla era zòna de Baqueira. 

De moment, sonque es abitants deth Naut Aran poderàn pujar a esquiar en Baqueira/Beret. 

A compdar deth 17 de gèr, quan ei prevista era finalizacion deth confinamient municipau decretat peth Govèrn dera Generalitat, era estacion estudiarà era dubertura de mès domeni esquiable.