Eth recors dera UTE (Union Temporal de Empresas) formada pes constructores Romero Polo e Transportes y Excavaciones Barba a obligat a paralizar era implantacion deth nau sistèma de remassada de lordères dera Val d’Aran, adjudicat peth Conselh Generau d’Aran a FCC a darreries d’agost damb ua durada prevista de ueit ans.

Eth Tribunau de Contractes Publics dera Generalitat a dubèrt un expedient dempús dera denóncia presentada pes enterpreses, que son es qu’actuaument aufrissen aguest servici, e a dat un mes ath Conselh tà que presente es sues allegacions. Eth plen der organisme debatèc ena sua session de dijaus formalizar era sua oposicion ath recors.

Era equipa de govèrn deth Conselh considère qu'autant era tramitacion deth concors coma era adjudicacion a FCC compliren es requisits legaus. Totun, hònts des enterpreses recorrentes senhalèren qu’es sues allegacions responen a qüestions tecniques e a diferéncies de critèris sus era correccion des valoracions.

Eth nau modèl que volie implantar eth territòri se basaue en ua pòrta a pòrta especific entà hotèls e restaurants que son es grani generadors de residu ena zòna e er objectiu ei que mès tard s’aplique era remassada de selectiva entre es vesins.