Era Associacion de persones damb discapacitat d’Aran, tanben nomentada ADDA, a impulsat ua exposicion ena Bibliotèca Generau de Vielha en tot commemorar eth Dia Internacionau dera Hemna. Aguesta mòstra que demorarà en aguest espaci culturau enquiath 22 de març preten méter en relèu era dobla discriminacion que patissen es hemnes damb discapacitat per èster hemnes e per auer discapacitat. 

Per aquerò, des d'ADDA s’a seleccionat a tres hemnes damb discapacitat entà conmemorar eth sòn trabalh e esfòrç pera igualtat de genre e pera zèro discriminacion. 

En sòn 25 au aniversari, ADDA a impulsat un nau projècte nomentat ADDAArt a on dejà s’a pogut veir representat es prumères peades damb pentures hètes per usatgèrs deth centre.

Ua auta des qüestions que s’a volut destacar des d’ADDA ei eth papèr des mairs ena luta que hèn tà trèir endauant as sòns hilhs damb discapacitat.