Cultura
7au Plan de Dinamica Educativa dera Val d'Aran
05/09/2024
Era conselhèra de Coneishement, Angelina Cases, a presidit aguest maitin era presentacion deth 7au Plan de Dinamica Educativa dera Val d’Aran, amassa damb er inspector assignat entà Aran, Manel Serrabona, e era directora deth Centre de Recorsi Pedagogics, Sandra González.
S’a presentat as docents des centres educatius d’Aran. Er objectiu ei hèr a conéisher es activitats qu’aufrissen es Servicis Educatius dera Val d’Aran e dera Alta Ribagorça, eth Conselh Generau, Mòssos d’Esquadra, associacions e entrepreses dera comunautat educativa aranesa.
Entre es prepauses mès remercables i son aguestes:
-Promòir er usatge der aranés.
-Ajudar a conéisher milhor era realitat istorica, culturau, naturau e sociau d’Aran.
-Activitats motivadores entar alumnat.
-Potenciar era implicacion des institucions locaus e dera comunautat educativa enes activitats informatives e culturaus organizades peth servici educatiu.
-Organizar activitats d’escambi entre eth professorat e er alumnat de tota era Val d’Aran.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga