Agricultura e ramaderia
Les daurís eth cicle d'hèires ramadères dera Val d'Aran
07/10/2018
Eth pòble de Les a estat er encargat d'encetar eth tradicionau cicle de hèires pageses de tardor dera Val d'Aran. Damb era collaboracion deth Supermercat Boya, era escòla d’ostalaria de Les a premanit un esdejoar popular ath mès pur estil de montanha: sopa d’alh, embotits, langoïssa… Toti es visitants an estat convidadi ad aguest esdejoar, que daue eth trèt de gessuda ara hèira.
Gràcies ara recent inauguracion dera passarèla, era naua edicion d’era Hèira ramadèra a compdat enguan damb mès espaci entà qu’es expositors poguen méter ara venda es sòns productes.
Aguesta hèira a coma objectiu qu'es ramadèrs poguen mostrar es sues crabes, oelhes, vaques e shivaus. Uns exemplars qu'en bèri casi son ara venta, per açò es ramadèrs son plan interessats en aguesti eveniments.
Eth dia d’era Hèira de Les non sonque ei ua jornada de retrobament entre es ramadèrs, tanben ac ei entàs comerçants e productors, vengudi dera rèsta de Catalonha e d’Occitània.
Un dia plan especiau entàs vesins de Les e visitaires, en que eth bon temps a afavorit era assisténcia. Aguest cicle de hèires contunharà en Salardú, en Vielha eth deluns 8 d’octobre e concludirà eth dissabte 3 de noveme en Bossòst.
Gràcies ara recent inauguracion dera passarèla, era naua edicion d’era Hèira ramadèra a compdat enguan damb mès espaci entà qu’es expositors poguen méter ara venda es sòns productes.
Aguesta hèira a coma objectiu qu'es ramadèrs poguen mostrar es sues crabes, oelhes, vaques e shivaus. Uns exemplars qu'en bèri casi son ara venta, per açò es ramadèrs son plan interessats en aguesti eveniments.
Eth dia d’era Hèira de Les non sonque ei ua jornada de retrobament entre es ramadèrs, tanben ac ei entàs comerçants e productors, vengudi dera rèsta de Catalonha e d’Occitània.
Un dia plan especiau entàs vesins de Les e visitaires, en que eth bon temps a afavorit era assisténcia. Aguest cicle de hèires contunharà en Salardú, en Vielha eth deluns 8 d’octobre e concludirà eth dissabte 3 de noveme en Bossòst.
Laura Rodríguez