Un an mès, eth pòble de Bossòst acuelherà “Era Mongetada”, era hèsta qu’a coma protagonista era mongeta de Bossòst, era varietat de mongeta aranesa qu’a dat lòc a un projècte de revalorizacion dera agricultura, era gastronomia e er auviatge d’Aran.

Enguan, Era Mongetada aurà lòc dissabte 3 de noveme, un dia cargat d’activitats gastronomiques que permeterà as visitants conéisher mès informacion sus aguesta varietat tan especiau de legum.

Aguesta 7au edicion començarà en Bossòst damb era dubertura deth recinte e era arribada deth bestiar, entà passar dempús ara trobada e esdejoar damb es ramadèrs. Tàs 11 darà començament era talhada de socs, tàs 12:30 i aurà balhs aranesi damb es Sautarèths de Bossòst e tàs 13:00 aurà lòc eth dinar pages damb era mongeta de Bossòst coma producte principau. Pendent tot eth dia i aurà mercat artesanau, hèira e musica.

Aguesta mongeta ei un producte unic a nivèu mondiau, ua varietat antiga e sense cap variacion. 

Aguest pròplèu dissabte non vos podetz pèrder era naua edicion d’Era Mongetada, ua hèsta ena que predominaràn eth bon minjar e, sustot, eth bon ambient enes carrèrs de Bossòst.