Agricultura e ramaderia
Unió de Pagesos atribuís a un os era mòrt d'un popenc, e eth Conselh ac nègue
15/07/2024
Eth propietari, un ramadèr de Mont, a patit dètz atacs enes darrèri ans
Era organizacion agrària Unió de Pagesos a atribuït era mòrt d'un popenc aguest dimenge en Mont, ena Val d'Aran, ar atac d'un os. Eth Conselh Generau d'Aran ac nègue.
"Insistim ath Govern dera Generalitat: cau gestion eficienta e realista dera fauna. Mentre, non participaram en cap grop de trabalh; non volem que mos utilizen entà díder que ja an en compde eth sector, e dempús, arren", escriu aguest deluns Unió de Pagesos en sòn compde deth hilat sociau X. Eth messatge includís imatges deth popenc mòrt que se ve qu'a arrincada part deth còth.
Eth Conselh Generau d'Aran a assegurat, pera sua part, qu'es tecnicians de seguiment escarten qu'era mòrt deth popenc pogue atribuïr-se a un os.
Eth pagés auie 15 animaus entre cavales e popenqui ena zòna a on apareishec eth popenc mòrt. Compde qu'enes darrèri ans a patit dètz atacs d'ossi confirmadi. Tanben a perdut d'auti animaus qu'eth Conselh Generau considère perdudi o non retornadi, qu'an indemnizacions inferiores as mòrts per atacs d'un os.
HÒNT: LA VANGUARDIA
HÒNT: LA VANGUARDIA
Manu Moga