Agricultura e ramaderia
Talh termierèr en Bossòst
Entre 220 e 250 pagesi talhen es accèssi a França e Espanha ena rotònda de Bossòst
Talh termierèr en parçan de Bossòst ena rotònda d’entrada ad aguesta poblacion que da accès a França peth baish Aran autant coma peth Pòrt deth Portilhon pera revòlta pagesa convocada en toti es emplaçaments damb termièra estataus.
Des d’aguest madeish maitin entàs 10:00 s’a iniciat aguest talh a on dejà s’an vist es prumèri implicadi tant de nacionalitat espanhòla coma francesa. S’an viscut moments d’incertidumbre pr’amor que i auie fòrça vesins que non sabien era ora der inici dera manifestacion o d’auti, sustot francesi, que non coneishien era existéncia deth talh e n’an patit es conseqüéncies.
Se demoren entre 220 e 250 pagesi ena Val d’Aran ath long d’aguesta jornada.
Es Mòssos d’Esquadra an activat un protocòu que permetís dar eth torn en andús sentits dera marcha tà que non i age ua retencion dera via atau coma que tanben se dèishe aparcar ena entrada de Bossòst en un parcatge de tèrra tà poder accedir ara poblacion. En foncion de coma vagen es apertientes amassades, se poirie alongar mès des 10 deth maitin de deman aguesta situacion.