Boni registres d’ocupacion pendent aguesti dies de Setmana Santa en territòri damb ua mieja deth 72,9%. Es previsions indicauen qu’ena prumèra part i aurie un 60-65% e una dusaua un 80-85% per çò qu’es donades que se botjauen des des diuèrsi departaments toristics dera Val d’Aran s’an confirmat.

Aguestes chifres assoliden era tendéncia positiua de tota era sason d’iuèrn e que poderien hèr apropar un nau record de forfaits venudi ara estacion d’esquí de Baqueira Beret, en tot plaçar-se en aguesti moments en ua donada pròplèua ath milion cinquanta mil forfaits. Pendent aguesta Setmana Santa, 83.000 son es esquiadors que s’an apropat ara estacion aranesa entà gaudir des mès de 100 quilomètres esquiables e des mès de 100 centimètres nhèu dura que i auie en complèx.

Eth perfil deth client ei eth que d’abituda vie tara Val d’Aran en aquestes epòques der an qu’ei eth nacionau a on destaquen es catalans, es madrilenhs e es vasqui. Ath delà, e pr’amor dera termièra damb França, es toristes der aute costat dera termièra tambien s’an desplaçat entà Aran tà gaudir d’aguesti dies.