Er Ajuntament de Vielha e Mijaran trabalhe entà poder milhorar es entorns der arriu Garona en parçan qu’ei ath cant der Institut d’Aran. En august emplaçament se detècte des de hè dejà fòrça mesi i a arbes e huelhes damb un creishement excessiu que perjudique era imatge deth municipi e pòt produsir situacions complèxes en cas qu’aumente eth nivèu d’aigua.

En darrèr plen consistoriau, eth grop d’Aran Amassa reclamèc ara equipa de govèrn solucions ath respècte, e aguesti, expliquen qu’an amiat a tèrme un projècte dotat en 30.000 èuros damb eth que volien netejar era zòna, totun, era Confederacion Idrografica der Èbre non l’a considerat ua prioritat e i auie quauques especificacions tecniques que calie modificar.

Des deth consistòri afirmen que seguiràn en tot parlar damb era Confederacion entà que poguen netejar eth marge der arriu çò de mès lèu possible.