Gran satisfaccion des dera estacion d’esquí de Baqueira Beret e deth Grèmi d’Ostalaria dera Val d’Aran pes nheuades viscudes enes darrères ores en territòri ena qu’a estat era nheuada mès importanta de tota era temporada e qu’a deishat uns gruishi de nhèu d’ath torn des 80 centimètres.

Damb aguesta situacion se garantís poder arribar ara fin dera sason, qu’ei quan acabe era Setmana Santa damb ues bones condicions entara practica des espòrts de nhèu.

Es previsions a nivèu d’ocupacion pendent aguestes setmanes son tanplan bones, especiaument de cara ath fin de setmana qu’ei previst que se pogue superar eth 80% de mieja en tota era Val d’Aran.