Valoracion positiva des der Ajuntament de Vielha e Mijaran en çò que tanh as eveniments esportius acuelhudi e organizadi des d’aguest municipi ath long de tot er ostieu.

En prumèr tèrme, se poguec víuer un campionat de fotbòl Sala, un des referents de tota era província a darreries deth mes de junh, enquia arribar a un des actes centraus esportius de tot er an ena Val d’Aran: era UTMB, era pròva de trailrunning mès prestigiosa de tota Euròpa e seguraments ua des mès significatives en tot eth mon e que hèc a vier a mès de 5000 corredors entà Aran entà competir enes diuèrses distàncies que s’aufrien, des 15 km enquias mès de 160 km.

Ath delà, tanben s’an pogut gaudir de d’auti actes multitudinaris coma per exemple era Pedals de Foc, damb tanben mès de 700 corredors o era Vielha Cycling Tour, qu’amassèc a un gran numerò de ciclistes semiprofessionaus e amateurs.

En d’auti actes de motor, era Rodibook portèc a mès de 1000 motoristes entath territòri en tot generar un gran impacte economic.

Vielha Mijaran e era Val d’Aran seguissen en tot posicionar-se coma destins esportius de naut nivèu enes que s’organizen pròves importantes a nivèu nacionau e internacionau.