Pendent aguest fin de setmana s’a devolopat ena Val d’Aran era activitat nomentada “Eth mon des misharnons”. Aguesta accion impulsada peth Parc Nacionau d’Aigüestòrtes-Estanh de Sant Maurici auie coma prètzhèt qu’es vesins e visitants deth nòste territòri poguessen apréner de prumèra man tot çò qu’a a veir damb es misharnons, damb era sua classificacion e, d’un aute costat, distingir quini poderien èster boni entath sòn consum e quini son verinosi.

Entà poder arténher aqueth objectiu, se desplacèren pendent dues jornades entath bòsc de Betren, ena Tuca, en un gran succès d’assisténcia per part de persones de totes es edats, a on s’amassèc un gran numerò de misharnons e se portèren ena Sala Sociau a on se procedic ara sua distincion e separacion.

Aguesta accion tanben s’amièc en d’auti lòcs coma Senet, e supause ua forma d’apropar eth mon dera micologia as persones mens expèrtes ena matèria.