Jornada de sanitat forestau ena Val d'Aran

22/02/2019

Eth Conselh Generau d’Aran a acuelhut ua Jornada sus sanitat forestau ena Val d’Aran, damb er objectiu de revisar es principaus plagues e malauties qu’afècten o pòden afectar as ecosistèmes pirenencs e entà actualizar era metodologia d’avaloracion dera afectacion dera processionària.

Entre d’auti ahèrs s’a tractat era processionària (Thaumetopoea pityocampa) e eth grad d’afectacion ena Val d’Aran. Segontes a explicat era tecnica forestau deth Conselh Generau d’Aran, Gemma Arjó, “en mes de gèr se realizèren tractaments dera processionària en diuèrsi bòsqui dera Val d’Aran”.

Era presentacion dera Jornada a anat a cargue deth conselhèr de Territòri d’Aran, Jose A. Boya, e a compdat damb es ponents: Jorge Heras, deth Servici Gestion Forestau, eth biologista especialista en sanitat vegetau, Josep Maria Riba, Pedro Carballal, deth Servici de Gestion Forestau e Jordán Muñoz, deth CTFC. 

IMATGE: CONSELH GENERAU D'ARAN

Clara Villar