Eth Conselh Generau d’Aran, a trauès de Torisme Val d’Aran, a metut en marcha eth calendari de regulacion des accèssi  e mobilitat entàs airaus naturaus d’Aran.

S’a metut en marcha eth nau dispositiu de contròl tàs ribères de Varradòs e era Artiga de Lin, que s’alongarà enquiath dia 1 de seteme en orari de dètz deth maitin enquias cinc dera tarde. Entàs ribères d’Aiguamòg e de Valarties  er orari d’accès ei des sèt e mieja deth maitin enquias tres e mieja dera tarde e seràn regulades enquiath 8 de seteme.  Es pistes d’accès tara Bassa d’Oles e tara Bassa d’Arres se dauriràn ath public  de manèra regulada a compdar deth dia 29 enquiath dia 1 de seteme en orari des dètz e mieja deth maitin enquias quate e mieja dera tarde (10h30-16h30).

Entà incrementar eth servici d’atencion ath public, eth Conselh Generau d’Aran a contractat de manèra dirècta, per prumèr viatge, a onze persones entàs disparièrs punts d’informacion.

 Es usatgèrs pòden consultar era accessibiltat a trauès dera app de Guidaran o en www.aparcaran.conselharan.org