Des deth consistòri apostam fermament per aguesta naua modalitat, qu'ei fòrça integrada en nòste municipi, en tot assolidar eth nòste compromís pera igualtat de sèxes ena nòsta societat, en aguest cas enes espòrts.

Eth fotbòl sala femenin a fòrça succès, coma ac demòstre es 12 edicions deth Tornèig Femenin de Fotbòl Sala de Vielha, qu'enguan a compdat damb rècord d'equips e jogadores participaires.

Sense dobte, ua grana notícia entar espòrt de Vielha e Mijaran, en tot fomentar era igualtat entre hemnes e òmes. Vielha, coma cap-lòc dera Val d'Aran, ei un referent ena luta pera igualtat dera nòsta societat.


HÒNT: AJUNTAMENT VIELHA E MIJARAN