Eth Concors Literari Mn. Condò celèbre aué era XXIX edicion dedicada ath centenari dera mòrt deth poèta aranés

08/06/2019

Aué, dissabte 8 de junh tàs 19 ores ena Glèisa de Mijaran, aurà lòc er acte de liurament des Prèmis Literaris XXIX Mn. Condò Sambeat, XIXau edicion deth Prèmi Aran de Literatura, XIIau Concors de Diboish ena Escòla e XIIau Hestivau de Teatre ena Escòla.

Enguan era serada deth liurament des prèmis serà dedicada ath poèta Mn. Condò Sambeat a l'escasença deth centenari dera sua mòrt.

Pendent tot er an 2019, eth departament de Cultura e Lengua deth Conselh Generau d’Aran a organizat ua seria d'accions e actes entà commemorar eth centenari dera mòrt de Jusèp Condò Sambeat (1867-1919), coma un espaci ena web deth Conselh Generau d’Aran dedicat a Mn. Condò Sambeat damb desparières prepauses qu'arrebremben ath poèta e escrivan aranés coma "Era isla des diamants" en pdf interactiu (version originau e normalizada); e un quadèrn didactic damb illustracions de Thor Sanabria entà dar a conéisher a Condò enes escòles.

Tanben cau destacar era conferéncia "Mission complida" sus era figura umana de Mn. Condò a cargue de Mn. Amiell deth dia de Sant Jòrdi eth passat 23 d'abriu.

HÒNT: CONSELH GENERAU D'ARAN

 

Laura Rodríguez